Coral de Ruada
Menú
90 Aniversario
Certame Internacional de Coros de Ruada
Premio Xabier Prado Lameiro
Concertos
«Febreiro  2016»
L M Mi J V S D
1234567
891011121314
15161718192021
22232425262728
29           
             

» DE RUADA CON LUAR NA LUBRE EN VIGO E NA CORUÑA

O pasado 11 de decembro, no teatro Principal de Ourense, tivo lugar o primeiro dos concertos de presentación do novo traballo de Luar Na Lubre “Extra:Mundi”, coa participación en directo da Coral De Ruada e De Ruada foi convidada por Luar na Lubre a participar nos próximos concertos que se celebrarán o venres, día 8, no teatro García Barbón de Vigo e o sábado, día 9, no teatro Rosalía Castro de A Coruña.

Enviado por coralderuada o 04 de Xaneiro do 2016 ás 22:04
0 Comentarios
» PREMIO ORGULLO GAITEIRO 2015
A Asociación Ourensá de Folclore Tradicional (AOFT)-Gomes Mouro ven de organizar o XII Día do Orgullo Gaiteiro. Nesta ocasión decidiron conceder o Premio Orgullo Gaiteiro 2015 á Coral De Ruada e á cantareira de Abavides Corona Paz Díaz.
O acto de concesión deste novo galardón a De Ruada terá lugar o sábado, 12 de decembro, a partir das 18,00 horas, no Auditorio de Ourense. 
Enviado por coralderuada o 09 de Decembro do 2015 ás 18:57
0 Comentarios
» PRESENTACIÓN DO NOVO CD DE LUAR NA LUBRE, CON COLABORACIÓN DA CORAL DE RUADA

O vindeiro venres, día 11 de decembro, a partir das 21,00 horas, no teatro Principal, o prestixioso grupo folk galego “Luar na Lubre”, que está a  piques de cumprir o seu 30º aniversario, presentará o seu novo disco “Extra:Mundi”, que fai o número 16 da súa discografía.Neste disco, Luar na Lubre aborda cantigas que van máis alá do ámbito galego e atlántico, abordando, por primeira vez emblemáticas cantigas de Cataluña, Asturias, Castela e León, Euskadi...  cantadas nos idiomas respectivos.Outra das novidades deste novo CD consiste na participación da Coral De Ruada en catro das catorce cantigas que contén, concretamente na nº 6 (Foliada da Coruña / Ruada de Rebordelo), nº 8 (Fisterra), nº 11 (Cantiga de Falván) e nº 12 (Onde vas por agua / Nel campu).Durante a presentación no teatro Principal, a Coral De Ruada acompañará a Luar na Lubre, en directo, na interpretación destas cantigas.

Enviado por coralderuada o 04 de Decembro do 2015 ás 19:00
0 Comentarios
» CAMBIO NA XUNTA DE GOBERNO DA CORAL DE RUADA

Como consecuencia da dimisión -por motivos persoais- do presidente da Coral De Ruada, Eladio Quevedo Almoina, substítúeo no cargo o ata agora vicepresidente primeiro Emilio Rodríguez Portabales, tal como contemplan os vixentes estatutos da histórica agrupación coral ourensá.

 

A primeira decisión da nova Xunta de Goberno da Coral De Ruada, foi agradecer a Eladio Quevedo os máis de cincuenta anos dedicados á Coral como cantor, bailarín, gaiteiro, zanfonista, directivo en varias ocasións e presidente dende hai trece anos. Ademais, acordou concederlle o nomeamento de Presidente de Honra da Coral, posto dende o que seguirá a colaborar con De Ruada. Proximamente terá lugar un concerto homenaxe no que se lle fará pública entrega do diploma co nomeamento.

Enviado por coralderuada o 26 de Outubro do 2015 ás 19:59
0 Comentarios
» ACTO DE ENTREGA DO VI PREMIO XABIER PRADO LAMEIRO

Como xa informamos con anterioridade, o VI PREMIO XABIER PRADO “LAMEIRO” que organiza a Coral De Ruada foille concedido ao grupo Abertal de A Rúa de Valdeorras.

 

A cerimonia de entrega do premio terá lugar o vindeiro mércores, día 21, a partir das 20,00 horas no Liceo de Ourense e desenvolveráse do xeito seguinte:

 

 

  • Breve semblanza sobre a vida e a obra de Xabier Prado “Lameiro”.
  • Representación dunha escolma de diálogos de <<Farsadas>> de Xabier Prado “Lameiro”. Estará a cargo de dous compoñentes do grupo de teatro afeccionado Plataforma Independente de Teatro de Amoeiro (PITA), dirixido por César Francisco González Fernández.
  • Acto formal de entrega do premio aos representantes de Abertal: diploma, busto en bronce de Xabier Prado “Lameiro” realizado por Manuel García de Buciños e un exemplar da edición facsimil das súas Obras Completas.
  • Interpretación de piano a cargo de Irma Fernández Alonso.
  • Actuación da Coral De Ruada, que pechará o acto ofrecendo unha breve mostra do seu repertorio.

 

 

A entrada é libre, até completar aforo, e gratuíta.

Enviado por coralderuada o 18 de Outubro do 2015 ás 18:30
0 Comentarios
 © Coral de Ruada | 9-02-2016 | 1 usuarios activos   | Confidencialidade ACV Galaica