Despois dunhas semanas de descanso, logo da intensa actividade dos últimos meses, os membros da Coral De Ruada retoman o traballo de cara á nova tempada.

Para comezar, participaron, durante os días 2, 3, 4 e 5 de febreiro, en gravacións destinadas ao programa "Alalá" da TVG, que dirixe Senén Bernárdez e presenta Pilar García Rego. O programa emitirase, en principio, o martes 16 de marzo a partir das 21,30 horas e no mesmo poderanse ver distintas entrevistas realizadas a membros da Coral, ensaios, fotografías, libros, revistas, unha actuación gravada no paraninfo do IES "Otero Pedrayo", etc.